Casaus perduts (Grand format)

La piga mauhasèca que fiereja e que saumuca l'innocenta tortora; quauqu'un e'mpòt díser perqué? Eth medish, s'ei pro esvagat tà'm véder d'acerà haut a escríver la mia dolor, ac sap? Probable que non.

Ua premonicion qu'èra estat, Agnostika, lo nom de la sècta on entravi per'mor de la mia mair, on peu purmèr còp trobavi suu men camin la ieratica asiatica. Qu'i avó, puish, Kaelig e Mariana, e enfin que retrobavi la purmèra hemna de la mia vita tà acabar çò qui èra demorat a miei har. Mes tant per tant qu'ac viení d'acabar, las mans - e la consciéncia - que'm plapavi de sang e no'm sortivan de l'espitau que tà'm miar en preson hà'm pagar lo men deute.